ໃນລະດູຮ້ອນນີ້ທ່ານດູແລຢາງລົດຂອງທ່ານແນວໃດ?
ໃກ້ຮອດເດືອນເມສາແລ້ວເວົ້າໄດ້ວ່າ ສະພາບອາກາດໃນປະເທດລາວແມ່ນຮ້ອນຫຼາຍທີ່ສຸດໃນປັດຈຸບັນ. ອາກາດຮ້ອນແບບນີ້ ມີຜົນເຮັດໃຫ້ຄວາມດັນພາຍໃນຢາງລົດເພີ່ມຂື້ນ ເມື່ອສຽດສີກັບເສັ້ນທາງ ໂດຍສະເພາະຢາງລົດເກົ່າ ຈະເຮັດໃຫ້ຢາງລົດເຄັ່ງ ເຊິ່ງຈະສົ່ງຜົນໃຫ້ຢາງລົດແຕກ ແລ້ວແບບນີ້ຈະມີວິທີການດູແລຢາງລົດແນວໃດ ເພື່ອບໍ່ເຮັດໃຫ້ເສື່ອມສະພາບ, N’bunny KX ມີຄຳຕອບມາຝາກທ່ານ.
- ຄວນກວດກາສະພາບຂອງຢາງລົດຢູ່ສະເໝີ ໂດຍຕາມກຳນົດແລ້ວ ພວກເຮົາຄວນປ່ຽນຢາງລົດທຸກໆ 2 ປີ.
- ຫລີກລ້ຽງການຈອດລົດໃນພື້ນທີ່ຮ້ອນຫຼາຍ ເຊັ່ນ: ທາງຄອນກີດເປັນເວລາດົນ ຄວນຊອກຫາບ່ອນຈອດລົດທີ່ມີຫຼັງຄາ ຫລື ບ່ອນທີ່ມີຮົ່ມຕົ້ນໄມ້ທີ່ແຂງແຮງຖ້າຫາກຕ້ອງຈອດລົດເປັນເວລາດົນ.
- ຖ້າທ່ານຕ້ອງຂັບລົດໄລຍະທາງໄກ ຫຼືໃຊ້ເວລາດົນ ຄວນມີການຢຸດພັກລົດ ເພື່ອໃຫ້ຢາງລົດຄາຍຄວາມຮ້ອນລົງ.
- ຫລີກລ້ຽງເສັ້ນທາງທີ່ມີສະພາບບໍ່ດີ, ເປັນຫລຸມເປັນໂນນ ແລະ ຄວນຫຼຸດຜ່ອນຄວາມໄວໃນການຂັບຂີ່.
- ບໍ່ຄວນບັນຈຸເຄື່ອງທີ່ນ້ຳໜັກຫຼາຍເກີນໄປ.
- ໃຊ້ຄວາມໄວລົດໃຫ້ເໝາະສົມ ແລະ ບໍ່ຄວນຢຽບເບກລົດຢ່າງກະທັນຫັນ ຫຼື ການອອກລົດໄປດ້ວຍຄວາມແຮງ.
- ການໃຊ້ຢາງລົດຢ່າງໜັກ ຫຼື ການຂັບຂີ່ທີ່ບໍ່ຖືກວິທີຈົນເຮັດໃຫ້ຢາງລົດເກີດຄວາມເຄັ້ນດັນ ແລະ ຄວາມດັນສູງເຮັດໃຫ້ຢາງລົດໃຫຍ່ແຕກລາຍໄດ້
ສະນັ້ນ, ພວກເຮົາຄວນກວດກາສະພາບຂອງຢາງລົດໃຫຍ່ເພື່ອກຽມພ້ອມທີ່ຈະນຳໃຊ້, ໂດຍສະເພາະໃນລະດູຮ້ອນແບບນີ້ ເພື່ອໃຫ້ທ່ານສາມາດຂັບຂີ່ໄດ້ຢ່າງປອດໄພ ແລະ ສາມາດນໍາໃຊ້ລົດໄດ້ດົນ ເພີ່ມຄວາມອຸ່ນໃຈໃນການນໍາໃຊ້ລົດຂອງທ່ານເຊັ່ນກັນ. ສາມາດເລືອກຊື້ປະກັນໄພລົດກັບບໍລິສັດພວກເຮົາ ໄດ້
ສອບຖາມຂໍ້ມູນເພີ່ມຕື່ມ:
021411168-9